ಕಾಪು : ಗ್ರಾಪಂ ಚುನಾವಣೆಗೆ ಕಾಪು ತಾಲೂಕಿನಲ್ಲಿ ಪೂರ್ಣ ಸಿದ್ಧತೆ , ಅಂತಿಮ ಹಂತದ ಮತ ಪ್ರಚಾರ -Vishwanews24

ಕಾಪು : ಗ್ರಾಪಂ ಚುನಾವಣೆಗೆ ಕಾಪು ತಾಲೂಕಿನಲ್ಲಿ ಪೂರ್ಣ ಸಿದ್ಧತೆ , ಅಂತಿಮ ಹಂತದ ಮತ ಪ್ರಚಾರ -Vishwanews24

ಕಾಪು: ಡಿ. 27ರಂದು ನಡೆಯಲಿರುವ ಎರಡನೇ ಹಂತದ ಗ್ರಾಪಂ ಚುನಾವಣೆಗೆ ಕಾಪು ತಾಲೂಕಿನಲ್ಲಿ ಸಿದ್ಧತೆ ಪೂರ್ಣಗೊಂಡಿದೆ.

16 ಗ್ರಾಪಂಗಳ 290 ಸ್ಥಾನಗಳ ಪೈಕಿ 10 ಸ್ಥಾನಗಳಿಗೆ ಅವಿರೋಧ ಆಯ್ಕೆ ನಡೆದಿದ್ದು,280 ಸ್ಥಾನಗಳಿಗೆ ನಡೆಯುವ ಚುನಾವಣೆಯಲ್ಲಿ 650 ಮಂದಿ ಅಭ್ಯರ್ಥಿಗಳು ಕಣದಲ್ಲಿದ್ದಾರೆ.

ಹೆಚ್ಚಿನ ಗ್ರಾಪಂ ಗಳಲ್ಲಿ ಕಾಂಗ್ರೆಸ್ ಮತ್ತು ಬಿಜೆಪಿ ಬೆಂಬಲಿತರ ನಡುವೆ ನೇರ ಸ್ಪರ್ಧೆ ಇದ್ದರೆ ಕೆಲವೆಡೆ ಎಸ್ಡಿಪಿಐ, ಜೆಡಿಎಸ್ ಬೆಂಬಲಿತ ಮತ್ತು ಪಕ್ಷೇತರ ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. 2-3 ಗ್ರಾಮ ಪಂಚಾಯಿತಿಗಳಲ್ಲಿ ರಾಜಕೀಯದ ಅಭ್ಯರ್ಥಿಗಳು ಪಕ್ಷಗಳ ಬೆಂಬಲಿತ ಅಭ್ಯರ್ಥಿಗಳ ವಿರುದ್ಧ ನೇರ ಸ್ಪರ್ಧೆಗಿಳಿದಿದ್ದಾರೆ. ವಿವಿಧ ಪಕ್ಷಗಳ ಮುಖಂಡರು ಮತ್ತು ಜನಪ್ರತಿನಿಧಿಗಳು ತಮ್ಮ ಪಕ್ಷದ ಬೆಂಬಲಿತ ಅಭ್ಯರ್ಥಿಗಳ ಪರವಾಗಿ ಅಂತಿಮ ಹಂತದ ಮತ ಪ್ರಚಾರ ನಡೆಸಿದ್ದಾರೆ.