ಕಾರು ಅಪಘಾತ: ನಟ ಶೈನ್‌ ಟಾಮ್‌ ಚಾಕೊಗೆ ಗಾಯ, ತಂದೆ ಸ್ಥಳದಲ್ಲೇ ಸಾವು – vishwanews24

ಕಾರು ಅಪಘಾತ: ನಟ ಶೈನ್‌ ಟಾಮ್‌ ಚಾಕೊಗೆ ಗಾಯ, ತಂದೆ ಸ್ಥಳದಲ್ಲೇ ಸಾವು

ತಿರುವನಂತಪುರಂ: ಶುಕ್ರವಾರ ಬೆಳಗ್ಗೆ ತಮಿಳುನಾಡಿನ ಧರ್ಮಪುರಿಯಲ್ಲಿ ನಡೆದ ರಸ್ತೆ ಅಪಘಾತದಲ್ಲಿ ಮಲಯಾಳಂ ನಟ ಶೈನ್ ಟಾಮ್ ಚಾಕೊ ಗಾಯಗೊಂಡಿದ್ದು, ಅವರ ತಂದೆ ಸಾವನ್ನಪ್ಪಿದ್ದಾರೆ.

ಕಾರಿನಲ್ಲಿದ್ದ ಚಾಕೊ ಅವರ ತಾಯಿ, ಸಹೋದರ ಮತ್ತು ಚಾಲಕ ಕೂಡ ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ. ಕಾರು ಮತ್ತು ಲಾರಿ ನಡುವೆ ಮುಖಾಮುಖಿಯಾಗಿ ಅಪಘಾತ ಸಂಭವಿಸಿದ್ದು, ಚಾಕೊ ಅವರ ತಂದೆ ಸಿಪಿ ಜಾನ್ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಚಾಕೊ ಮತ್ತು ಇತರರನ್ನು ಪಲ್ಲಕೊಟ್ಟೈ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಮಾದಕ ದ್ರವ್ಯ ಪ್ರಕರಣದಲ್ಲಿ ಖುಲಾಸೆಗೊಂಡಿದ್ದ ಶೈನ್, ಇತ್ತೀಚೆಗೆ ವ್ಯಸನ ಮುಕ್ತ ಕೇಂದ್ರದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು ಎಂದು ವರದಿಯಾಗಿದೆ. ಶೈನ್ ಚಿಕಿತ್ಸೆಗಾಗಿ ಕುಟುಂಬವು ಬೆಂಗಳೂರಿಗೆ ಪ್ರಯಾಣಿಸುತ್ತಿತ್ತು ಎಂದು ಹೇಳಲಾಗಿದೆ.