ನೌಕಾಪಡೆಯಲ್ಲಿ ಐತಿಹಾಸಿಕ ನಿರ್ಧಾರ – ಮಹಿಳೆಯರಿಗೆ ಮೊದಲ ಬಾರಿಗೆ ಕಮಾಂಡೋಗಳಾಗಿ ಸೇವೆ ಸಲ್ಲಿಸಲು ಅವಕಾಶ – Vishwanews24

ನೌಕಾಪಡೆಯಲ್ಲಿ ಐತಿಹಾಸಿಕ ನಿರ್ಧಾರ – ಮಹಿಳೆಯರಿಗೆ ಮೊದಲ ಬಾರಿಗೆ ಕಮಾಂಡೋಗಳಾಗಿ ಸೇವೆ ಸಲ್ಲಿಸಲು ಅವಕಾಶ

ನವದೆಹಲಿ: ಭಾರತೀಯ ನೌಕಾಪಡೆಯಲ್ಲಿ ಮಹಿಳೆಯರಿಗೆ ಮೊದಲ ಬಾರಿಗೆ ಕಮಾಂಡೋಗಳಾಗಿ ಸೇವೆ ಸಲ್ಲಿಸಲು ಅನುವು ಮಾಡಿಕೊಡುತ್ತದೆ ಎಂದು ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.

ಇದುವರೆಗೂ ಸೈನ್ಯ, ನೌಕಾಪಡೆ ಮತ್ತು ವಾಯುಪಡೆಯ ವಿಶೇಷ ಪಡೆಗಳಲ್ಲಿ ಪುರುಷರು ಪ್ರಮುಖ ಹುದ್ದೆಗಳಲ್ಲಿದ್ದರು. ಆದರೆ ಇದೀಗ ಮಹಿಳೆಯರಿಗೂ ಈ ಅವಕಾಶ ನೀಡಲು ನಿರ್ಧರಿಸಲಾಗಿದೆ.

ತರಬೇತಿಯ ನಂತರ ಮಹಿಳೆಯರು ಮಾನದಂಡಗಳನ್ನು ಪೂರೈಸಿದರೆ, ನೌಕಾಪಡೆಯಲ್ಲಿ ಮೆರೈನ್ ಕಮಾಂಡೋಸ್ (ಮಾರ್ಕೋಸ್) ಆಗಬಹುದು. ವಿಶೇಷ ಪಡೆಗೆ ಯಾರನ್ನೂ ನೇರವಾಗಿ ಸೇರಿಸಲಾಗುವುದಿಲ್ಲ. ಅವರು ಸ್ವಯಂಸೇವಕರಾಗಿ ಕೆಲಸ ಮಾಡಬೇಕಾಗುತ್ತದೆ ಎಂದು ಹೇಳಿದ್ದಾರೆ.

ಇನ್ನು ಈ ಕಮಾಂಡೋಗಳು ಶತ್ರುಗಳ ಯುದ್ಧನೌಕೆಗಳು, ಸೇನಾ ನೆಲೆಗಳು, ವಿಶೇಷ ಡೈವಿಂಗ್ ಕಾರ್ಯಾಚರಣೆಗಳು ಮತ್ತು ವಿಚಕ್ಷಣ ಕಾರ್ಯಾಚರಣೆಗಳ ವಿರುದ್ಧ ರಹಸ್ಯ ದಾಳಿಗಳನ್ನು ನಡೆಸಬಹುದು.