ಭಾರತೀಯರಿಗೆ ದೇಶಕ್ಕೆ ಮರಳಲು 2 ಮಾರ್ಗಗಳನ್ನು ತೆರೆದ ರಷ್ಯಾ – Vishwanews24

ಭಾರತೀಯರಿಗೆ ದೇಶಕ್ಕೆ ಮರಳಲು 2 ಮಾರ್ಗಗಳನ್ನು ತೆರೆದ ರಷ್ಯಾ – Vishwanews24

ಕೀವ್: ಈಗಾಗಲೇ ಉಕ್ರೇನ್‍ನ ಪ್ರಮುಖ 4 ನಗರಗಳಲ್ಲಿ ಕದನ ವಿರಾಮ ಘೋಷಣೆಯಾಗಿದ್ದು, ಸುಮಿಯಲ್ಲಿ ಸಿಲುಕಿರುವ ಭಾರತೀಯರಿಗೆ ದೇಶಕ್ಕೆ ಮರಳಲು ರಷ್ಯಾದ 2 ಮಾರ್ಗಗಳನ್ನು ತೆರೆದಿದೆ.

ಸುಮಿ- ಸುದ್ಝಾ- ಬಲ್ಗ್ರೋಡಾ ಒಂದು ಮಾರ್ಗವಾದರೆ ಮತ್ತೊಂದು ಮಾರ್ಗ ಸುಮಿ-ಗೊಲುಬೊವ್ಕಾ-ರೊಮ್ನಿ-ಲೋಖ್ವಿಟ್ಸಾ-ಲುಬ್ನಿ-ಪೋಲ್ಟವಾ (ಮಧ್ಯ ಉಕ್ರೇನ್)ದ ಮೂಲಕ ತೆರಳಲು ಅವಕಾಶ ನೀಡಿದೆ. ಇದರಿಂದಾಗಿ ಸುಮಿಯಲ್ಲಿ ಸಿಲುಕಿರುವ ವಿದ್ಯಾರ್ಥಿಗಳಿಗೆ ಸ್ವಲ್ಪ ರಿಲಿಫ್ ಸಿಕ್ಕಿದೆ.

ರಷ್ಯಾ ಉಕ್ರೇನ್ ಯುದ್ಧದ ಹಿನ್ನೆಲೆಯಲ್ಲಿ ಸುಮಿ ವಿವಿಯಲ್ಲಿ ಸುಮಾರು 700ಕ್ಕೂ ಹೆಚ್ಚು ಭಾರತೀಯ ವಿದ್ಯಾರ್ಥಿಗಳು ಸಿಲುಕಿದ್ದಾರೆ. ಇವರು ಕಳೆದ 12 ದಿನಗಳಿಂದ ಮೂಲಭೂತ ಸೌಕರ್ಯ ಇಲ್ಲದೇ ಪರದಾಡುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಇವರಿಗೆ ತನ್ನ ದೇಶದ ಮೂಲಕ ಹೊಗಲು ಅವಕಾಶ ಮಾಡಿಕೊಟ್ಟಿದೆ.