ಮಂಗಳೂರು : 10 ತಿಂಗಳಿಂದ ಬಾಕಿಯಿರುವ ಡೀಸೆಲ್ ನೀಡದಿದ್ದರೆ ಜಿಲ್ಲೆಯಾದ್ಯಂತ ಮೀನುಗಾರರ ಪರವಾಗಿ ಜಿಲ್ಲೆಯಾದ್ಯಂತ ಕಾಂಗ್ರೆಸ್ ನಿಂದ ಉಗ್ರ ಹೋರಾಟ : ಖಾದರ್ ಎಚ್ಚರಿಕೆ – VIshwanews24

ಮಂಗಳೂರು : 10 ತಿಂಗಳಿಂದ ಬಾಕಿಯಿರುವ ಡೀಸೆಲ್ ನೀಡದಿದ್ದರೆ ಜಿಲ್ಲೆಯಾದ್ಯಂತ ಮೀನುಗಾರರ ಪರವಾಗಿ ಜಿಲ್ಲೆಯಾದ್ಯಂತ ಕಾಂಗ್ರೆಸ್ ನಿಂದ ಉಗ್ರ ಹೋರಾಟ : ಖಾದರ್ ಎಚ್ಚರಿಕೆ

ಮಂಗಳೂರು:ರಾಜ್ಯ ಸರಕಾರ ನಾಡದೋಣಿ ಹಾಗೂ ಗಿಲ್ ನೆಟ್ ಮೀನುಗಾರರಿಗೆ 10 ತಿಂಗಳಾದರೂ ಇನ್ನೂ 300 ಲೀಟರ್ ಉಚಿತ ಡಿಸೇಲ್ ಅನ್ನು ಬಿಡುಗಡೆ ಮಾಡಿಲ್ಲ. 10 ದಿನಗಳೊಳಗೆ ಇದನ್ನು ಬಿಡುಗಡೆ ಮಾಡದಿದ್ದಲ್ಲಿ ಮೀನುಗಾರರ ಪರವಾಗಿ ಕಾಂಗ್ರೆಸ್ ದ.ಕ ಜಿಲ್ಲೆಯಾದ್ಯಂತ ಉಗ್ರ ಹೋರಾಟ ಮಾಡಲಿದೆ ಎಂದು ವಿಧಾನಸಭೆಯ ವಿಪಕ್ಷ ಉಪನಾಯಕ ಖಾದರ್ ಎಚ್ಚರಿಕೆ ನೀಡಿದರು.

ಕಾಂಗ್ರೆಸ್ ಕಚೇರಿಯಲ್ಲಿಂದು ಮಾತನಾಡಿದ ಅವರು, ನಾಡದೋಣಿ ಹಾಗೂ ಗಿಲ್ ನೆಟ್ ಮೀನುಗಾರಿಕೆ ನಡೆಸುವ ಮೀನುಗಾರರಿಗೆ ಕಾಂಗ್ರೆಸ್ ಸರಕಾರ ತಿಂಗಳಿಗೆ 300 ಲೀಟರ್ ಉಚಿತವಾಗಿ ಸೀಮೆಎಣ್ಣೆ ನೀಡುವ ಯೋಜನೆ ಜಾರಿಗೆ ತಂದಿತ್ತು ಎಂದರು.

ಅಲ್ಲದೆ ನಮ್ಮ ಸರಕಾರ ಇರುವಾಗ ಪ್ರತೀವರ್ಷ ಮೀನುಗಾರರಿಗೆ ಉಚಿತವಾಗಿ ಮನೆ ಕಟ್ಟಲು ಅನುದಾನ ನೀಡಲಾಗುತ್ತಿತ್ತು. ಬಿಜೆಪಿ ಸರಕಾರ ಬಂದ ಬಳಿಕ ಒಂದೇ ಒಂದು ಮನೆ ಕೊಟ್ಟಿಲ್ಲ. ಮೊನ್ನೆ ತಾನೆ ಸರಕಾರ ಮೀನುಗಾರರಿಗೆ ಮನೆ ನೀಡುವ ಪಟ್ಟಿ ಬಿಡುಗಡೆ ಮಾಡಿದೆ. ಆದರೆ ನದಿ, ಸಮುದ್ರಗಳಿಲ್ಲದ, ಮೀನುಗಾರರೇ ಇಲ್ಲದ ಬೆಳಗಾವಿಗೆ 250 ಮನೆಗಳನ್ನು ನೀಡಿ ಮೀನುಗಾರರಿರುವ ನನ್ನ ಕ್ಷೇತ್ರಕ್ಕೆ ಕೇವಲ 10 ಮನೆಗಳನ್ನು ನೀಡಿದೆ. ಈ ಮೂಲಕ ಮೀನುಗಾರರಿಗೆ ರಾಜ್ಯದ ಬಿಜೆಪಿ ಸರಕಾರ ದ್ರೋಹವೆಸಗಿದೆ ಎಂದು ಖಾದರ್ ಹೇಳಿದರು.