ಬೆಂಗಳೂರು: ಗ್ರಾಹಕರಿಗೆ ಹೆಚ್ಚು ಸುರಕ್ಷತೆಯ ನೂತನ ಇಎಂವಿ ಚಿಪ್ನ ಎಟಿಎಂ ಕಾರ್ಡ್ಗಳನ್ನು ನೀಡಲು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಸೇರಿದಂತೆ ಬಹುತೇಕ ಬ್ಯಾಂಕ್ಗಳು ಮುಂದಾಗಿವೆ. ಗ್ರಾಹಕರಿಂದ ಹಳೆಯ ಮ್ಯಾಗ್ನೆಟಿಕ್ ಸ್ಟ್ರೈಪ್ನ ಎಟಿಎಂ ಕಾರ್ಡ್(ಡೆಬಿಟ್ ಕಾರ್ಡ್) ಮತ್ತು ಕ್ರೆಡಿಟ್ ಕಾರ್ಡ್ ವಾಪಸ್ ಪಡೆದು, ಹೊಸ ಇಎಂವಿ ಕಾರ್ಡ್ಗಳ ನೀಡುವ ಪ್ರಕ್ರಿಯೆ ಚಾಲ್ತಿಯಲ್ಲಿದೆ.
ಹೆಚ್ಚುತ್ತಿರುವ ಡಿಜಿಟಲ್ ವಂಚನೆ ತಡೆಯುವ ನಿಟ್ಟಿನಲ್ಲಿ ಎಲ್ಲ ಗ್ರಾಹಕರಿಗೂ ಕೇವಲ ಇಎಂವಿ ಚಿಪ್ನ ಕಾರ್ಡ್ಗಳನ್ನು ಡಿ.31ರೊಳಗೆ ನೀಡುವಂತೆ ಆರ್ಬಿಐ ನಿರ್ದೇಶನ ನೀಡಿತ್ತು. ಇದರನ್ವಯ ಬ್ಯಾಂಕ್ಗಳು ಕ್ರಮ ಕೈಗೊಂಡಿವೆ. ”ಡಿ.31ರೊಳಗೆ ನಿಮ್ಮಲ್ಲಿನ ಹಳೆಯ ಮ್ಯಾಗ್ನೆಟಿಕ್ ಸ್ಟ್ರೈಪ್ನ ಕಾರ್ಡ್ಗಳನ್ನು ವಾಪಸ್ ಮಾಡಿ, ಇಎಂವಿ ಚಿಪ್ನ ಕಾರ್ಡ್ಗಳನ್ನು ಪಡೆಯಿರಿ. ಇಲ್ಲದೇ ಹೋದರೆ, ಡಿ.31ರ ಬಳಿಕ ನಿಮ್ಮ ಹಳೆಯ ಕಾರ್ಡ್ಗಳು ಬ್ಲಾಕ್ ಆಗುತ್ತವೆ,” ಎಂದು ಗ್ರಾಹಕರನ್ನು ಎಸ್ಬಿಐ ಎಚ್ಚರಿಸಿದೆ.
ಹೊಸ ಕಾರ್ಡ್ಗಳನ್ನು ಪಡೆಯುವಂತೆ ಎಸ್ಬಿಐ ತನ್ನ ಗ್ರಾಹಕರಿಗೆ ಎಸ್ಎಂಎಸ್, ಇಮೇಲ್ಗಳ ಮೂಲಕ ಸೂಚನೆ ನೀಡುತ್ತಿದೆ. ಈ ಸಂಬಂಧ ಶನಿವಾರ ಟ್ವೀಟ್ ಸಹಾ ಮಾಡಿದೆ. ದೇಶದ ಬೃಹತ್ ಬ್ಯಾಂಕ್ ಆದ ಎಸ್ಬಿಐ, ಜೂನ್ ಅಂತ್ಯದ ಹೊತ್ತಿಗೆ 28.9 ಕೋಟಿ ಎಟಿಎಂ ಕಾರ್ಡ್ಗಳನ್ನು ಹೊಂದಿದೆ. ಈಗಾಗಲೇ ಸಾಕಷ್ಟು ಹೊಸ ಕಾರ್ಡ್ಗಳನ್ನು ವಿತರಿಸಿದ್ದೇವೆ ಎಂದು ಬ್ಯಾಂಕ್ ಹೇಳಿದೆ.
ಹೊಸ ಕಾರ್ಡ್ ಪಡೆಯುವುದು ಹೇಗೆ?ಗ್ರಾಹಕರು ನೆಟ್ ಬ್ಯಾಂಕಿಂಗ್ ಮೂಲಕ, ಇಲ್ಲವೇ ಮೊಬೈಲ್ ಆ್ಯಪ್ ಮೂಲಕ ಹೊಸ ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್ಗಳನ್ನು ಪಡೆಯಬಹುದು. ಇಲ್ಲವೇ, ನೇರ ಶಾಖೆಗೆ ತೆರಳಿ ಹೊಸ ಕಾರ್ಡ್ಗೆ ಮನವಿ ಸಲ್ಲಿಸಬಹುದು. ಈ ಸೇವೆಗೆ ಗ್ರಾಹಕರು ಯಾವುದೇ ಶುಲ್ಕ ತೆರುವ ಅಗತ್ಯವಿಲ್ಲ. ಉಚಿತವಾಗಿ ಪಡೆಯಬಹುದಾಗಿದೆ.
ಏನಿದು ಇಎಂವಿ ಕಾರ್ಡ್?
ಇಎಂವಿ ಎಂದರೆ ‘ಯುರೊಪೇ ಮಾಸ್ಟರ್ಕಾರ್ಡು ವೀಸಾ’. ಆಧುನಿಕ ತಂತ್ರಜ್ಞಾನದ ಈ ಕಾರ್ಡ್ಗಳು ಹೆಚ್ಚಿನ ಸುರಕ್ಷತೆಯನ್ನು ನೀಡುತ್ತವೆ. ಗ್ರಾಹಕರ ಕಾರ್ಡ್ ಕಳೆದು ಹೋದರೆ, ಇಲ್ಲವೇ ಕಳ್ಳರ ಪಾಲಾದರೆ ಸುಲಭವಾಗಿ ಹಣ ದೋಚಲು ಹಳೆಯ ಕಾರ್ಡ್ಗಳಲ್ಲಿ ಅವಕಾಶವಿದೆ. ಇವಿಎಂ ಚಿಪ್ ಆಧಾರಿತ ಕಾರ್ಡುಗಳು ಗ್ರಾಹಕರನ್ನು ರಕ್ಷಿಸುತ್ತದೆ. ಎಟಿಎಂ ಯಂತ್ರಗಳಿಗೆ ವಂಚಕರು ಪುಟ್ಟ ಉಪಕರಣವನ್ನು ಅಳವಡಿಸಿ ಗ್ರಾಹಕರ ಕಾರ್ಡ್ಗಳ ಮಾಹಿತಿ ಕಳವು(ಸ್ವಿಮ್ಮಿಂಗ್) ಮಾಡಲು ಅವಕಾಶವಿದೆ. ಅದನ್ನು ತಡೆಯುವ ನಿಟ್ಟಿನಲ್ಲಿ ಇಎಂವಿ ಕಾರ್ಡ್ಗಳು ಸಮರ್ಥವಾಗಿವೆ ಎಂದು ಹೇಳಲಾಗಿದೆ.
ನಿಮ್ಮಲ್ಲಿರುವುದು ಇಎಂವಿ ಕಾರ್ಡಾ?
ಇಎಂವಿ ಕಾರ್ಡ್ ಅನ್ನು ಗುರ್ತಿಸುವುದು ಬಹಳ ಸುಲಭ. ಈ ಕಾರ್ಡ್ಗಳ ಮುಂಭಾಗದಲ್ಲಿ ಚಿನ್ನದ ಬಣ್ಣದ ಚಿಪ್ ಕಣ್ಣಿಗೆ ಗೋಚರಿಸುವಂತಿರುತ್ತದೆ. ನಿಮ್ಮಲ್ಲಿರುವ ಕಾರ್ಡ್ನ ಹಿಂಭಾಗದಲ್ಲಿ ದಟ್ಟ ಕಪ್ಪು ಬಣ್ಣದ ಮ್ಯಾಕ್ನೆಟಿಕ್ ಪಟ್ಟಿ ಇದೆ ಅನ್ನುವುದಾದರೆ, ಅದು ಹಳೆಯದು ಎಂದರ್ಥ. ನೀವು ಹೊಸ ಕಾರ್ಡ್ ಪಡೆಯಲು ಮುಂದಾಗಬೇಕು.
ಉಡುಪಿ: ಮಹಾವೀರ ಜಯಂತಿ ಸಾರ್ವತ್ರಿಕ ರಜೆಯಲ್ಲಿ ಬದಲಾವಣೆ ಮಾ.31ರ ಮಂಗಳವಾರ ಬದಲಾಗಿ ಮಾ. 30ರ ಸೋಮವಾರ ರಜೆ ಘೋಷಣೆ ಉಡುಪಿ:…
ಮಾ.30ಕ್ಕೆ ನಡೆಯಬೇಕಿದ್ದ SSLC ಹಿಂದಿ ಪರೀಕ್ಷೆ ಮಾ.31ಕ್ಕೆ ಮುಂದೂಡಿಕೆ ಬೆಂಗಳೂರು: ಮಾ.30ಕ್ಕೆ ನಡೆಯಬೇಕಿದ್ದ ಎಸ್ಎಸ್ಎಲ್ಸಿ ಹಿಂದಿ ಪರೀಕ್ಷೆ ಮಾ.31ಕ್ಕೆ ಮುಂದೂಡಿಕೆ…
1ನೇ ತರಗತಿ ದಾಖಲಾತಿಗೆ 6 ವರ್ಷ ಕಡ್ಡಾಯ ನಿಯಮದಲ್ಲಿಈ ವರ್ಷವೂ 60 ದಿನಗಳ ವಿನಾಯಿತಿ : ಮಧು ಬಂಗಾರಪ್ಪ ಬೆಂಗಳೂರು:…
ಉಡುಪಿ: ಬನ್ನಂಜೆ ಶ್ರೀ ಮಹಾಲಿಂಗೇಶ್ವರ ಬ್ರಹ್ಮಕಲಶೋತ್ಸವಕ್ಕೆ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್ಗೆ ಆಹ್ವಾನ ಉಡುಪಿ: ಬನ್ನಂಜೆ ಶ್ರೀ ಮಹಾಲಿಂಗೇಶ್ವರ ದೇವರ ಸನ್ನಿಧಿಯಲ್ಲಿ…
ಬಂಟ್ವಾಳ: ಯುವತಿ ನಾಪತ್ತೆ; ಪ್ರಕರಣ ದಾಖಲು ಬಂಟ್ವಾಳ: ಕೆಲಸಕ್ಕೆಂದು ಹೊರಟ ಯುವತಿ ಮನೆಗೆ ಮರಳದೇ ನಾಪತ್ತೆಯಾಗಿರುವ ಘಟನೆ ಬಂಟ್ವಾಳ ತಾಲೂಕಿನ…
ಎರಡು ಕ್ಷೇತ್ರಗಳಲ್ಲೂ ಕಾಂಗ್ರೆಸ್ ಅಭ್ಯರ್ಥಿಗಳಿಗೆ ಜಯ : ಸಚಿವೆ ಲಕ್ಷ್ಮೀ ಹೆಬ್ಬಾಳಕರ್ ಉಡುಪಿ: ದಾವಣಗೆರೆ ದಕ್ಷಿಣ ಹಾಗೂ ಬಾಗಲಕೋಟೆ ಎರಡೂ…