ಶ್ರೀರಾಮ ಮಂದಿರದ ಪರ ಹೇಳಿಕೆ ನೀಡಿದ ರಾಜ್ಯ ಕಾಂಗ್ರೆಸ್ ನ ಹಿರಿಯ ನಾಯಕ ಜನಾರ್ದನ ಪೂಜಾರಿಗೆ ಬೆದರಿಕೆ (ಆಡಿಯೋ )

ಮಂಗಳೂರು: ಭಾನುವಾರ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದಲ್ಲಿ ನಡೆದ ಸಾಮೂಹಿಕ ವಿವಾಹ ಕಾರ್ಯಕ್ರಮದಲ್ಲಿ ಮಾಧ್ಯಮದ ಜತೆ ಮಾತನಾಡುವಾಗ ಅಯೋಧ್ಯೆ ರಾಮ ಮಂದಿರ ಪರ ಹೇಳಿಕೆ ನೀಡಿದ ಕೇಂದ್ರದ ಮಾಜಿ ಸಚಿವ ಜನಾರ್ದನ ಪೂಜಾರಿ ಅವರನ್ನು ಅವಹೇಳನ ಮಾಡಿ, ಬೆದರಿಕೆಯೊಡ್ಡಿದ ಆಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಾ ಇದೆ.

ಆಡಿಯೋದಲ್ಲಿ ಹೇಳಿಕೆ ನೀಡಿರುವ ವ್ಯಕ್ತಿ ಜನಾರ್ದನ ಪೂಜಾರಿಯವರ ಬಗ್ಗೆ ಹೀನಾಯವಾಗಿ ಮಾತನಾಡಿದ್ದಲ್ಲದೆ ‘ಪೂಜಾರಿ ಕೋಮುವಾದಿ, ಮುಸ್ಲಿಂ ವಿರೋಧಿ, ಆರೆಸ್ಸೆಸ್ಸ್ ನವರಿಗೆ ಹುಟ್ಟಿದವ. ಆತನ ಪುಸ್ತಕ ಬಿಡುಗಡೆಗೆ ರಾಜ್ಯದ ಸಿಎಂ ಅವರನ್ನು ಕರೆಯದೆ ಆರೆಸ್ಸೆಸ್ಸ್ ಮುಖಂಡ ಪ್ರಭಾಕರ ಭಟ್ ನನ್ನು ಕರೆದಿದ್ದಾನೆ. ಜನಾರ್ದನ ಪೂಜಾರಿಯಿಂದ ಕಳೆದ 30 ವರ್ಷಗಳಿಂದ ಜಿಲ್ಲೆಯಲ್ಲಿ ಕಾಂಗ್ರೆಸ್ ಸೋಲು ಅನುಭವಿಸುತ್ತಿದ್ದೆ. ಪೂಜಾರಿಯನ್ನು ಎನ್ ಕೌಂಟರ್‌ ಮಾಡಬೇಕು, ಜಿಲ್ಲೆಯಿಂದ ಗಡೀಪಾರು ಮಾಡಬೇಕು ಎಂದು ಹೇಳಿದ್ದಾನೆ.

ಜಿಲ್ಲೆಯಲ್ಲಿ ಪಕ್ಷಕ್ಕೆ ಹಿನ್ನಡೆ ಮಾಡಿದ ಜನಾರ್ದನ ಪೂಜಾರಿಯನ್ನು ಪಕ್ಷದಿಂದ ಉಚ್ಚಾಟನೆ ಮಾಡದಿದ್ದರೆ ಬಹಿರಂಗವಾಗಿ ವಿಡಿಯೋ ಹಾಕಿ ಧಿಕ್ಕಾರ ಹಾಕುವುದಾಗಿ ಬೆದರಿಸಿದ್ದಾನೆ. ನಾಲಾಯಕ್‌ ಜನಾರ್ದನ ಪೂಜಾರಿಗೆ ದೇವರು ಇನ್ನು ಆಯುಷ್ಯ ನೀಡಲ್ಲ’ ಎಂದು ಹೇಳಿದ್ದಾನೆ.