ಕೋಟ: ಸಿಕ್ಕಿಬಿದ್ದ ಅಕ್ಕಿ ಕಳ್ಳ: ಪ್ರಕರಣ ದಾಖಲು

ಕುಂದಾಪುರ: ಪಡಿತರ ಅಕ್ಕಿಯನ್ನು ಅಕ್ರಮವಾಗಿ ಸಾಗಿಸುತ್ತಿದ್ದ ಕೋಟ ಮಣೂರಿನ ಲೋಹಿತ್ ಪೂಜಾರಿ ಎಂಬಾತನನ್ನು ಕೋಟ ಪೋಲಿಸರು ಹಾಗೂ ಆಹಾರ ನಿರೀಕ್ಷಕರು ಜಂಟಿ ದಾಳಿ ನಡೆಸಿ ಬಂಧಿಸಿ ಸಾಗಾಟಕ್ಕೆ ಬಳಸುತ್ತಿದ್ದ ವಾಹನವನ್ನು ವಶಕ್ಕೆ ಪಡೆದಿದ್ದಾರೆ.

ಐಪಿಸಿ 3, 5, 6 (ಎ) , 7 ಇ ಸಿ ಕಾಯ್ದೆ ಮತ್ತು 3(2) , 18(1), ಪಿಡಿಎಸ್ ಆರ್ಡರ್ 2016 ಪ್ರಕಾರ ಪೋಲಿಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಬ್ರಹ್ಮಾವರ ತಾಲೂಕು ಮಣೂರು ಗ್ರಾಮದ ಕೋಟ ಠಾಣಾ ಬಸ್ ನಿಲ್ದಾಣದ ಬಳಿ ಆರೋಪಿತ ತನ್ನ ಅಪೆ ಆಟೋ ರಿಕ್ಷಾ ವಾಹನ KA20B1906 ದಲ್ಲಿ ದಾಖಲಾತಿ ಇಲ್ಲದೆ ರೇಷನ್‌‌‌‌‌‌ ಅಕ್ಕಿಯನ್ನು ಶಿರಿಯಾರದಲ್ಲಿರುವ ಮಿಲ್ ಗೆ ಮಾರಾಟ ಮಾಡಲು ತೆಗೆದುಕೊಂಡು ಹೋಗುವಾಗ ಕೋಟ ಪೋಲಿಸರು ಬಂದಿಸಿದ್ದಾರೆ.ಸರಕಾರ ಬಡವರಿಗಾಗಿ ನೀಡುವ ಪಡಿತರ ಅಕ್ಕಿಯನ್ನುಅಕ್ರಮವಾಗಿ ಕಾಳಸಂತೆಯಲ್ಲಿ ಹೆಚ್ಚಿನ ಬೆಲೆಗೆ ಮಾರಾಟ ಮಾಡುವ ಉದ್ದೇಶದಿಂದ ಕೂಡಿದ್ದು ಯಾವುದೇ ದಾಖಲಾತಿಗಳು ಇಲ್ಲದೇ ಇರುವುದರಿಂದ ಆರೋಪಿತನ ವಿರುದ್ದ ಪ್ರಕರಣ ದಾಖಲಾಗಿದೆ.