ದಾಯ್ಜಿವರ್ಲ್ಡ್ ಮೀಡಿಯಾ ಪ್ರೈವೇಟ್ ಲಿಮಿಟೆಡ್ ನಿರ್ದೇಶಕ ವಿಕ್ಟರ್ ಡಿಸೋಜ ಪಲಿಮಾರ್ ವಿಧಿವಶ -Vishwanews24

ಮಂಗಳೂರು,: ಉದ್ಯಮಿ, ದಾಯ್ಜಿವರ್ಲ್ಡ್ ಮೀಡಿಯಾ ಪ್ರೈವೇಟ್ ಲಿಮಿಟೆಡ್ ಸ್ಥಾಪಕ ನಿರ್ದೇಶಕರಲ್ಲಿ ಒಬ್ಬರಾಗಿದ್ದ ವಿಕ್ಟರ್ ಡಿಸೋಜ ಪಲಿಮಾರ್ (55) ಶುಕ್ರವಾರ ಮುಂಜಾನೆ ಮಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ತೀವ್ರ ಹೃದಯಾಘಾತದಿಂದ ನಿಧನರಾಗಿದ್ದಾರೆ.

ಉಡುಪಿ ಪಲಿಮಾರು ನಿವಾಸಿಯಾಗಿದ್ದ ಇವರು 90 ರ ದಶಕದ ಆರಂಭದಲ್ಲಿ ಮುಂಬೈನಲ್ಲಿ ‘ಪಲಿಮಾರ್ ಎಲೆಕ್ಟ್ರಿಕಲ್ಸ್’ ಹೆಸರಿನಲ್ಲಿ ತಮ್ಮ ವಿದ್ಯುತ್ ಗುತ್ತಿಗೆ ಮತ್ತು ಇಂಟಿರಿಯರ್ ಡೆಕೊರೇಟರ್ ಉದ್ಯಮವನ್ನು ಸ್ಥಾಪಿಸಿದ್ದ ವಿಕ್ಟರ್ ಡಿಸೋಜಾ, ಕೆಲವು ವರ್ಷಗಳ ಹಿಂದೆಯಷ್ಟೇ ವಾಸ್ತವ್ಯವನ್ನು ಪಲಿಮಾರಿಗೆ ಸ್ಥಳಾಂತರಿಸಿದ್ದರು. ಇವರು ‘ವಿಲ್ಸನ್ ಹೊಲೊ ಬ್ಲಾಕ್ಸ್’ ಜೊತೆಗೆ ಉಡುಪಿ ಮತ್ತು ಮಂಗಳೂರಿನಲ್ಲಿ ಇಂಟಿರಿಯರ್ ಡೆಕೊರೇಟರ್ ಉದ್ಯಮವನ್ನು ನಡೆಸುತ್ತಿದ್ದರು.

ಮೃತರು ಪತ್ನಿ, ಓರ್ವ ಪುತ್ರ ಸೇರಿದಂತೆ ಅಪಾರ ಬಂಧು ಬಳಗವನ್ನು ಅಗಲಿದ್ದಾರೆ. ತಮ್ಮ ಊರಾದ ಪಲಿಮಾರು ಮತ್ತು ಮಂಗಳೂರಿನಲ್ಲಿ ಉತ್ತಮ ವ್ಯವಹಾರ ಸಂಬಂಧ ಹೊಂದಿದ್ದ ಅವರದ್ದು ಪ್ರಾಮಾಣಿಕತೆ ಮತ್ತು ಸ್ನೇಹಜೀವಿ ವ್ಯಕ್ತಿತ್ವವಾಗಿತ್ತು.

ಮೃತರ ಅಂತ್ಯಕ್ರಿಯೆಯು ಶನಿವಾರ (ನ.30) ಸಂಜೆ 4 ಗಂಟೆಗೆ ಫಲಿಮಾರಿನ ಸೈಂಟ್ ಪಿಯೂಸ್ ಚರ್ಚ್ ವಠಾರದಲ್ಲಿ ನೆರವೇರಲಿದೆ ಎಂದು ಕುಟುಂಬ ಮೂಲಗಳು ತಿಳಿಸಿವೆ.