ಬಾಲಿವುಡ್ ನ ಖ್ಯಾತ ಹಿರಿಯ ನಟ ಖಾದರ್ ಖಾನ್ ನಿಧನ..

ಹೊಸದಿಲ್ಲಿ,: ಬಾಲಿವುಡ್‌ನ ಹಿರಿಯ ನಟ ಖಾದರ್ ಖಾನ್ ದೀರ್ಘಕಾಲದ ಅನಾರೋಗ್ಯದ ಹಿನ್ನೆಲೆಯಲ್ಲಿ ಕೆನಡಾದ ಆಸ್ಪತ್ರೆಯೊಂದರಲ್ಲಿ ಸೋಮವಾರ(ಡಿ.31) ನಿಧನರಾದರು. ಅವರಿಗೆ 81 ವರ್ಷ ವಯಸ್ಸಾಗಿತ್ತು.

“ಉಸಿರಾಟದ ಸಮಸ್ಯೆಯಿಂದ ಬಳಲುತ್ತಿದ್ದ ನನ್ನ ತಂದೆ ಸಂಜೆ 6 ಗಂಟೆಗೆ ಕೆನಡಾ ಆಸ್ಪತ್ರೆಯಲ್ಲಿ ನಿಧನರಾದರು. ಅವರು ಮಧ್ಯಾಹ್ನದ ಬಳಿಕ ಕೋಮಾಕ್ಕೆ ಜಾರಿದ್ದರು. ಅವರು ಕಳೆದ 16-17 ವಾರಗಳಿಂದ ಆಸ್ಪತ್ರೆಯಲ್ಲಿದ್ದರು. ಅವರ ಅಂತ್ಯಕ್ರಿಯೆ ಕೆನಡಾದಲ್ಲೇ ನಡೆಯಲಿದೆ. ಎಂದು ಅವರ ಪುತ್ರ ಸರ್ಫರಾಝ್  ತಿಳಿಸಿದ್ದಾರೆ.

ಖಾದರ್ ಖಾನ್ ಕಾಬೂಲ್ ನಲ್ಲಿ ಜನಿಸಿದ್ದು, 1973ರಲ್ಲಿ ತೆರೆಕಂಡ ರಾಜೇಶ್ ಖನ್ನಾ ನಟನೆಯ ದಾಗ್ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದರು. ಇದೂವರೆಗೂ 300ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿರುವ ಖಾದರ್ ಖಾನ್ ಕೆಲವು ಚಿತ್ರಗಳಿಗೆ ಸಂಭಾಷಣೆಯನ್ನು ಬರೆದಿದ್ದಾರೆ.