ಉಡುಪಿ: ನಾಡದೋಣಿ ಅವಘಡ: ನೀರುಪಾಲಾದ ಇಬ್ಬರು ಮೀನುಗಾರರು -Vishwanews24

ಉಡುಪಿ: ನಾಡದೋಣಿ ಅವಘಡ: ನೀರುಪಾಲಾದ ಇಬ್ಬರು ಮೀನುಗಾರರು -Vishwanews24

ಬೈಂದೂರು: ನಾಡದೋಣಿ ಅವಘಡ ಸಂಭವಿಸಿದ ಪರಿಣಾಮ ಇಬ್ಬರು ಮೀನುಗಾರರು ನೀರುಪಾಲಾದ ಘಟನೆ ಉಡುಪಿ ಜಿಲ್ಲೆಯ ಬೈಂದೂರಿನಲ್ಲಿ ನಡೆದಿದೆ.

ಬೈಂದೂರು ನಿವಾಸಿಗಳಾದ ಶರಣ್ ( 25 ) ಮತ್ತು ಅಣ್ಣಪ್ಪ ( 30 ) ನೀರುಪಾಲಾದ ನತದೃಷ್ಡ ಮೀನುಗಾರರು.

ಬೈಂದೂರು ತಾಲೂಕಿನ ಅಳಿವೆಬಾಗಿಲಿನಲ್ಲಿ ಈ ದುರ್ಘಟನೆ ಸಂಭವಿಸಿದೆ.ನಿನ್ನೆ ಮೀನುಗಾರಿಕೆಗೆ ತೆರಳಿ ಬಂದರಿಗೆ ಹಿಂದಿರುಗುವ ವೇಳೆ ಈ ಅವಘಡ ಸಂಭವಿಸಿದೆ.

ಬಂದರಿಗೆ ಕೆಲವೇ ದೂರ ಇರುವಾಗಲೇ ಸಮುದ್ರದ ಅಲೆಗೆ ದೋಣಿ ಮುಗುಚಿದ ಪರಿಣಾಮ ಅವಘಡ ಸಂಭವಿಸಿತು.ಸ್ಥಳೀಯ ಮೀನುಗಾರರು, ಬೈಂದೂರು ಪೊಲೀಸರು ಹಾಗೂ ಅಗ್ನಿಶಾಮಕ ದಳದಿಂದ ಹುಡುಕಾಟ ಮುಂದುವರೆದಿದೆ.ಬೈಂದೂರು ಠಾಣೆ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.