ಉಡುಪಿ : ಶೋಭಾ ಬೇಕಲ್ ಬಿಜೆಪಿಯ ಸದಸ್ಯರೇ ಅಲ್ಲ, ಅವರಿಗೂ ಬಿಜೆಪಿಗೂ ಯಾವುದೇ ರೀತಿಯ ಸಂಬಂಧವಿಲ್ಲ: ವೀಣಾ ಎಸ್ ಶೆಟ್ಟಿ ಸ್ಪಷ್ಟನೆ – Vishwanews24

ಉಡುಪಿ : ಶೋಭಾ ಬೇಕಲ್ ಬಿಜೆಪಿಯ ಸದಸ್ಯರೇ ಅಲ್ಲ, ಅವರಿಗೂ ಬಿಜೆಪಿಗೂ ಯಾವುದೇ ರೀತಿಯ ಸಂಬಂಧವಿಲ್ಲ: ವೀಣಾ ಎಸ್ ಶೆಟ್ಟಿ ಸ್ಪಷ್ಟನೆ

ಉಡುಪಿ : ಇತ್ತೀಚೆಗೆ ಬಿಜೆಪಿ ಸದಸ್ಯೆ ಶೋಭಾ ಬೇಕಲ್ ಅವರು ಕಾಂಗ್ರೆಸ್ ಸೇರ್ಪಡೆಗೊಂಡಿದ್ದಾರೆ ಎಂಬ ಸುದ್ಧಿ ಸ್ಥಳೀಯ ಮಾಧ್ಯಮಗಳಲ್ಲಿ ವರದಿಯಾಗಿತ್ತು.

ಇದೀಗ ಈ ಬಗ್ಗೆ ಪ್ರಕಟಣೆ ಮೂಲಕ ಸ್ಪಷ್ಟನೆ ನೀಡಿರುವ ಉಡುಪಿ ಜಿಲ್ಲಾ ಬಿಜೆಪಿ ಮಹಿಳಾ ಮೋರ್ಚಾದ ಅಧ್ಯಕ್ಷೆ ವೀಣಾ ಎಸ್ ಶೆಟ್ಟಿ ಅವರು, ಮಾಧ್ಯಮಗಳಲ್ಲಿ ಶೋಭಾ ಬೇಕಲ್ ಅವರು ಬಿಜೆಪಿ ಸದಸ್ಯರು ಎಂದು ವರದಿಯಾಗಿದ್ದು ಅವರು ಎಂದೂ ಬಿಜೆಪಿಯ ವಾರ್ಡ್ ಸಭೆಯಾಗಲಿ, ಪಕ್ಷದ ಕಚೇರಿಗಾಗಲಿ ಒಂದು ದಿನವೂ ಭೇಟಿ ಕೊಟ್ಟವರಲ್ಲ. ಅಲ್ಲದೆ ಅವರು ಬಿಜೆಪಿಯ ಸದಸ್ಯತ್ವ ಕೂಡ ಹೊಂದಿಲ್ಲ ಅವರಿಗೂ ಬಿಜೆಪಿಗೂ ಯಾವುದೇ ರೀತಿಯ ಸಂಬಂಧವಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ಬೆಂಗಳೂರು : ಭರ್ಜರಿ ಆಫರ್​ ನೊಂದಿಗೆ  18 ಜಟ್ಕಾ ಕಟ್ ಅಂಗಡಿಗಳು ಓಪನ್‌  – Vishwanews24

ಹಾಗೂ ನಾವು ಮಹಿಳಾ ಮೋರ್ಚಾದ ಸದಸ್ಯರು ಅವರನ್ನು ಈ ವರೆಗೆ ಪಕ್ಷದ ಯಾವುದೇ ಕಾರ್ಯಕ್ರಮದಲ್ಲಿ ಕೂಡ ಕಂಡಿಲ್ಲ ಕೇವಲ ಪ್ರಚಾರದ ಉದ್ದೇಶದಿಂದ ಕಾಂಗ್ರೆಸ್ ಪಕ್ಷದವರು ಆಕೆಯನ್ನು ಬಿಜೆಪಿ ಸದಸ್ಯರು ಎಂದು ಬಿಂಬಿಸುವ ಮೂಲಕ ಸುಳ್ಳಿನ ರಾಜಕೀಯ ನಡೆಸುತ್ತಿದ್ದಾರೆ. ಇಂತಹ ಸುಳ್ಳು ರಾಜಕೀಯ ಜನರು ಯಾವುದೇ ರೀತಿಯ ಮನ್ನಣೆ ನೀಡುವುದಿಲ್ಲ ಎಂದು ಅವರು ತಿಳಿಸಿದ್ದಾರೆ.