ಕಾಪು ಸುಗ್ಗಿ ಮಾರಿಪೂಜೆಗೆ ಚಾಲನೆ ಹರಿದು ಬರುತ್ತಿರುವ ಭಕ್ತರ ದಂಡು.

ಇತಿಹಾಸ ಪ್ರಸಿದ್ಧ ಕಾಪು ಮೂರು ಮಾರಿಗುಡಿಯಲ್ಲಿ ಸುಗ್ಗಿ ಮಾರಿ ಪೂಜೆ ಸಂಭ್ರಮಕ್ಕೆ  ರಾಜ್ಯದ ಮೂಲೆ ಮೂಲೆಗಳಿಂದ ಭಕ್ತರ ದಂಡು ದೇವಸ್ಥಾನಕ್ಕೆ ಬರಲು ಆರಂಭಿಸಿದ್ದಾರೆ.

ಕಾಪು ಹಳೆಮಾರಿಗುಡಿಯಲ್ಲಿ ಪೂಜೆಗೊಳ್ಳುವ ಮಾರಿಯಮ್ಮನ ಮೂರ್ತಿಯ ಅಲಂಕಾರದ ಆಭರಣ ಗಳನ್ನು ಕಾಪು ವೆಂಕಟರಮಣ ದೇವಸ್ಥಾನದಿಂದಲೂ, ಹೊಸ ಮಾರಿಗುಡಿ ಹಾಗೂ ಕಾಪು ಕಲ್ಯ ಮೂರನೇ ಮಾರಿಗುಡಿಯಲ್ಲಿ ಪೂಜೆಗೊಳ್ಳುವ ಮಾರಿಯಮ್ಮನ ಮೂರ್ತಿಯ ಅಲಂಕಾರದ ಆಭರಣ ಮುಂತಾದವುಗಳನ್ನು ಕಾಪು ಮಹತೋಭಾರ ಶ್ರೀ ಲಕ್ಷ್ಮೀಜನಾರ್ದನ ದೇವಸ್ಥಾನದಲ್ಲೂ ದೇವರಿಗೆ ಪ್ರಾರ್ಥನೆ ಸಲ್ಲಿದ ನಂತರ ಆಯಾ ಮಾರಿಗುಡಿಗಳಿಗೆ ಮೆರವಣಿಗೆಯಲ್ಲಿ ತರಲಾಯಿತು.

ಮೂರು ಮಾರಿಗುಡಿಯು ವಿದ್ಯುತ್ ದೀಪಾಲಂಕೃತದಿಂದ ಶೃಂಗಾರಗೊಂಡಿದೆ. ಈಗಾಗಲೇ ಮಾರಿಪೂಜಾ ಕಾರ್ಯಕ್ರಮಕ್ಕೆ ಚಾಲನೆ ದೊರಕಿದ್ದು, ಮಾರಿಯಮ್ಮ ದರ್ಶನಕ್ಕೆ ಭಕ್ತರ ದಂಡು ಕಾಪುವಿಗೆ ಹರಿದು ಬರುತ್ತಿದೆ.