ಜ.25ರಂದು ಕಾಪುವಿನಲ್ಲಿ “ಕೋಸ್ಟಲ್ ಆಟೋ ಕಾರ್ನಿವಲ್ ಕಾರ್ಯಕ್ರಮ” – vishwanews24
ಜ.25ರಂದು ಕಾಪುವಿನಲ್ಲಿ “ಕೋಸ್ಟಲ್ ಆಟೋ ಕಾರ್ನಿವಲ್ ಕಾರ್ಯಕ್ರಮ”
ಉಡುಪಿ: ಗೋಲ್ಡ್ ಕೋಸ್ಟ್ ಎಂಟರ್ಟೈನ್ಮೆಂಟ್ ವತಿಯಿಂದ ಕೋಸ್ಟಲ್ ಆಟೋ ಕಾರ್ನಿವಲ್ ಕಾರ್ಯಕ್ರಮವನ್ನು ಇದೇ ಜ.25ರಂದು ಬೆಳಿಗ್ಗೆ 9ರಿಂದ ರಾತ್ರಿ 9ರವರೆಗೆ ಕಾಪುವಿನ ಪ್ಯಾಲೇಸ್ ಗಾರ್ಡನ್ ನಲ್ಲಿ ಆಯೋಜಿಸಲಾಗಿದೆ ಎಂದು ಕಾರ್ಯಕ್ರಮದ ಸಂಯೋಜಕ ಸುದೀಪ್ ಶೆಟ್ಟಿ ತಿಳಿಸಿದರು.
ಈ ಕುರಿತು ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದ ಅವರು, ಈ ಕಾರ್ಯಕ್ರಮದಲ್ಲಿ ಕಸ್ಟಮ್ ಕಾರುಗಳು, ಮೋಟಾರ್ ಸೈಕಲ್ಗಳು ಮತ್ತು ವಿಂಟೇಜ್ ವಾಹನಗಳ ಪ್ರದರ್ಶನ ನಡೆಯಲಿದೆ. ಪರ್ಫಾರ್ಮೆನ್ಸ್ ಮತ್ತು ವಿಶೇಷ ಪ್ರದರ್ಶನಗಳು, ಲೈವ್ ಆಕ್ಷನ್ ವಲಯಗಳು ಮತ್ತು ಸ್ಟಂಟ್ ಪ್ರದರ್ಶನಗಳು, ಆಹಾರ ಮಳಿಗೆಗಳು, ಆಟೋಮೊಬೈಲ್ ವಲಯದ ವಾಹನ ವಿತರಕರಿಂದ ಹೊಸ ವಾಹನಗಳ ಪ್ರದರ್ಶನ ನಡೆಯಲಿದೆ ಎಂದರು.
ಟೀಮ್ ನೆವರ್ ಇನಫ್ (ಕೊಯಮತ್ತೂರು) ಅವರಿಂದ ಸ್ಪಂಟ್ ಪ್ರದರ್ಶನ, ಆಲ್ ಓಕೆ (ಕನ್ನಡ ರ್ಯಾಪರ್ / ಗಾಯಕ) ಅವರಿಂದ ಲೈವ್ ಪರ್ಫಾರ್ಮೆನ್ಸ್ ಕಾರ್ಯಕ್ರಮದ ಮುಖ್ಯ ಆಕರ್ಷಣೆಯಾಗಿದೆ ಎಂದು ತಿಳಿಸಿದರು.
ಸುದ್ದಿಗೋಷ್ಠಿಯಲ್ಲಿ ಸಂಯೋಜಕರಾದ ಅಕ್ಷಯ್ ಕುಮಾರ್, ಅರ್ಜುನ್ ಪೈ, ಚೇತನ್ ಬೆಳ್ಳಿರಾಯ, ಸುಕೇಶ್ ಶೆಟ್ಟಿ ಇದ್ದರು.