ಟೈಮ್ಸ್ ‘2019 ರ ಜಗತ್ತಿನ ನೂರು ಅಸಾಧಾರಣ ಸ್ಥಳಗಳ ಪಟ್ಟಿಯಲ್ಲಿ ಗುಜರಾತ್ನ ಏಕತಾ ಪ್ರತಿಮೆ -Vishwanews24
ನವದೆಹಲಿ: ಪ್ರಖ್ಯಾತ ಟೈಮ್ಸ್ ನಿಯಾತಕಾಲಿಕೆ ಬಿಡುಗಡೆ ಮಾಡಿರುವ ‘2019 ರ ಜಗತ್ತಿನ 100 ಅಸಾಧಾರಣ ಸ್ಥಳ’ಗಳ ಪಟ್ಟಿಯಲ್ಲಿ ಗುಜರಾತ್ನಲ್ಲಿ ನಿರ್ಮಿಸಲಾಗಿರುವ ಸರ್ದಾರ್ ವಲ್ಲಭಭಾಯ್ ಪಟೇಲ್ ಏಕತಾ ಪ್ರತಿಮೆ ಜಾಗ ಪಡೆದಿದೆ.
ಟೈಮ್ಸ್ ‘2019 ರ ಜಗತ್ತಿನ ನೂರು ಅಸಾಧಾರಣ ಸ್ಥಳಗಳ ಪೈಕಿ ಏಕತಾ ಪ್ರತಿಮೆ ಜಾಗ ಪಡೆದಿದ್ದು ಒಳ್ಳೆಯ ಸುದ್ದಿ. ಕೆಲ ದಿನಗಳ ಹಿಂದೆ ಒಂದೇ ದಿನದಲ್ಲಿ 34000 ಮಂದಿ ಭೇಟಿ ನೀಡಿ ದಾಖಲೆ ಸೃಷ್ಟಿಯಾಗಿತ್ತು. ಈ ತಾಣವು ಜನಪ್ರೀಯ ಪ್ರವಾಸ ಸ್ಥಳವಾಗಿ ಬೆಳೆಯುತ್ತಿರುವುದು ಸಂತಸ ತಂದಿದೆ ಎಂದು ಟ್ವೀಟ್ ಮಾಡಿದ್ದಾರೆ.ಏಕತಾ ಪ್ರತಿಮೆ ಈ ಹಿರಿಮೆಗೆ ಪಾತ್ರವಾಗಿದ್ದಕ್ಕೆ ಪ್ರಧಾನಿ ಮೋದಿ ಹರ್ಷ ವ್ಯಕ್ತಪಡಿಸಿದ್ದಾರೆ.
Excellent news vis-à-vis the ‘Statue of Unity’- it finds a spot in the @TIME 100 greatest places 2019 list.
And, a few days back, a record 34,000 people visited the site in a single day.
Glad that it is emerging as a popular tourist spot!https://t.co/zLSNmwCKyc pic.twitter.com/7xmjWCz9xo
— Narendra Modi (@narendramodi) August 28, 2019
ನರ್ಮದಾ ನದಿ ದಂಡೆಯಲ್ಲಿರುವ ಏಕತಾ ಪ್ರತಿಮೆ ಜಗತ್ತಿನ ಅತೀ ಎತ್ತರದ ಪ್ರತಿಮೆ ಎಂಬ ಖ್ಯಾತಿಗೆ ಪಾತ್ರವಾಗಿದ್ದು, ಈ ವರೆಗೆ ಸುಮಾರು 26 ಲಕ್ಷ ಮಂದಿ ಪ್ರತಿಮೆ ಸಂದರ್ಶಿಸಿದ್ದಾರೆ. ಕಳೆದ ವರ್ಷ ಅಕ್ಟೋಬರ್ 31 ರಂದು ಈ ಪ್ರತಿಮೆಯನ್ನು ಪ್ರಧಾನಿ ಲೋಕಾರ್ಪಣೆಗೊಳಿಸಿದ್ದರು.