ದೇವೇಗೌಡರು ಜೆಡಿಎಸ್ ಪಕ್ಷದವರು ಅವರ ಸೋಲಿಗೆ ನಾನೇಕೆ ಕಾರಣ ಆಗುತ್ತೇನೆ? : ಸಿದ್ದರಾಮಯ್ಯ -Vishwanews24

ಬೆಂಗಳೂರು: ಲೋಕಸಭೆ ಚುನಾವಣೆಯಲ್ಲಿ ಮಾಜಿ ಪ್ರಧಾನಿ ಎಚ್​.ಡಿ.ದೇವೇಗೌಡರ ಸೋಲಿಗೆ ನಾನು ಯಾಕೆ ಕಾರಣ ಆಗುತ್ತೇನೆ. ಎಚ್​.ಡಿ.ದೇವೇಗೌಡರು ನಮ್ಮ ಪಕ್ಷದವರಲ್ಲ. ಜೆಡಿಎಸ್ ಪಕ್ಷದವರು. ಅವರ ಸೋಲಿನ ಕುರಿತು ಅವರ ಪಕ್ಷದವರನ್ನೇ ಕೇಳಬೇಕು ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ಹೇಳಿದ್ದಾರೆ.

ಬೆಂಗಳೂರಿನಲ್ಲಿ ಮಾತನಾಡಿದ ಮಾಜಿ ಸಿಎಂ ಅವರು, ಶಾಸಕ ಎಚ್​.ವಿಶ್ವನಾಥ್​ ಮಂಗಳವಾರ ಕಾಂಗ್ರೆಸ್​ ಲೋಕಸಭಾ ಸದಸ್ಯರಿದ್ದ ತುಮಕೂರು ಲೋಕಸಭಾ ಕ್ಷೇತ್ರದ ಖೆಡ್ಡಾಕ್ಕೆ ಜೆಡಿಎಸ್​ ಪಕ್ಷದ ವರಿಷ್ಠ ದೇವೇಗೌಡರನ್ನು ತಳ್ಳಲಾಯಿತು. ಆ ಮೂಲಕ ಅವಮಾನಕರ ಸೋಲು ಅನುಭವಿಸುವಂತೆ ಮಾಡಲಾಯಿತು ಎಂಬ ಹೇಳಿಕೆಗೆ ತಿರುಗೇಟು ನೀಡಿದರು.

ತುಮಕೂರಿನಲ್ಲಿ ದೇವೇಗೌಡರ ಸೋಲಿಗೆ ಕಾಂಗ್ರೆಸ್​ ಕಾರಣವೆಂದು ಆರೋಪಿಸುವುದಾದರೆ, ಮೈಸೂರಲ್ಲಿ ವಿಜಯ್​ಶಂಕರ್ ಸೋಲಿಗೆ ಕಾರಣರಾರು ಎಂದು ಪ್ರಶ್ನಿಸುವ ಮೂಲಕ ಪರೋಕ್ಷವಾಗಿ ಜೆಡಿಎಸ್​ ವಿರುದ್ಧ ಸಿದ್ದರಾಮಯ್ಯ ಅಸಮಾಧಾನ ವ್ಯಕ್ತಪಡಿಸಿದರು.