ಉಡುಪಿ : ಪುಟ್ಟ ಬಾಲಕ ಭವಿತ್‌ ಗೆ ಬೇಕಾಗಿದೆ ಮಾನವೀಯತೆಯ ಸಹಾಯ ಹಸ್ತ.. ಉಡುಪಿ ಪರ್ಯಾಯ ಮಹೋತ್ಸವದಲ್ಲಿ ತಮ್ಮ ಕೈಲಾದ ಸಹಾಯ ನೀಡಿ ಭವಿತ್‌ ಕುಟುಂಬದ ಜೊತೆ ಕೈ ಜೋಡಿಸಿ.. Vishwanews24

ಪುಟ್ಟ ಬಾಲಕ ಭವಿತ್‌ ಗೆ ಬೇಕಾಗಿದೆ ಮಾನವೀಯತೆಯ ಸಹಾಯ ಹಸ್ತ.. ಉಡುಪಿ ಪರ್ಯಾಯ ಮಹೋತ್ಸವದಲ್ಲಿ ತಮ್ಮ ಕೈಲಾದ ಸಹಾಯ ನೀಡಿ ಭವಿತ್‌ ಕುಟುಂಬದ ಜೊತೆ ಕೈ ಜೋಡಿಸಿ..

ಎಲ್ಲಾ ಮಕ್ಕಳಂತೆ ಕಲಿಕೆಯತ್ತ ಹೆಜ್ಜೆ ಹಾಕುತ್ತಾ, ಅಕ್ಕಪಕ್ಕದ ಸಹಪಾಠಿಗಳೊಂದಿಗೆ ಆಟೋಟಗಳಲ್ಲಿ ಭಾಗವಹಿಸಿ ನಕ್ಕುನಲಿದಾಡ ಬೇಕಾದ ಬರೀ ಒಂಭತ್ತು ವಯಸ್ಸಿನ ಭವಿತ್‌, ಇಂದು ಪರಿಸರದ ಪ್ರಜ್ಞೆಯಿಲ್ಲದ ನಿಸ್ತೇಜನಾಗಿ ಮಲಗಿಕೊಂಡಿದ್ದಾನೆ.

ದೃಷ್ಟಿ ಮತ್ತು ಆಲಿಸುವ ಶಕ್ತಿಯನ್ನು ಕಳೆದುಕೊಂಡು, ಅಡ್ರಿನೊಮೈಲೋನ್ಯೂರೋಪತಿ ಎಂಬ ಅಪರೂಪದ ಮಾರಕ ಖಾಯಿಲೆಯ ಭಯಾನಕ ನೋವನ್ನನುಭವಿಸಿ ಮೌನ ಮತ್ತು ದೀನವಾಗಿ ರೋಧಿಸುವ ಆ ದೃಶ್ಯವಂತೂ ಕರುಣಾಜನಕವಾದುದು.

ಉಪ್ಪಿನಂಗಡಿ ಸಮೀಪದ ಹಿರೇಬಂಡಾಡಿ ರಸ್ತೆಯ ಕೆನರಾ ಅಪಾರ್ಟ್‌ಮೆಂಟ್‌ಲ್ಲಿ ಸದ್ಯಕ್ಕೆ ಬಾಡಿಗೆ ಮನೆಯಲ್ಲಿ ತಂಗಿರುವ *ಭವಿತ್‌ ಕುಟುಂಬ* ಈಗಾಗಲೇ ತನ್ನ ಏಕೈಕ ಪುತ್ರನ ಚಿಕಿತ್ಸೆಗಾಗಿ ಸುಮಾರು ಹನ್ನೆರಡು ಲಕ್ಷ ರೂಪಾಯಿಯಷ್ಟು ಖರ್ಚು ಮಾಡಿದೆ. ಇದ್ದುದ್ದಲ್ಲೆವನ್ನೂ ಕಳೆದುಕೊಂಡು, ಬಹಳಷ್ಟು ಸಾಲಗಳ ಮೂಟೆಯನ್ನೂ ಹೊತ್ತುಕೊಂಡು ಅಸಹಾಯಕರಾಗಿ ಪರಿತಪಿಸಿದೆ. ಮುಂದಿನ ಚಿಕಿತ್ಸೆಗೂ ಹಣವಿಲ್ಲದೆ ಕಂಗಾಲಾಗಿದೆ. ಭವಿತ್‌ಗಂತೂ ಪ್ರತಿ ತಿಂಗಳಿಗೆ ಸುಮಾರು ಅರವತ್ತು ಸಾವಿರದಷ್ಟು ಚಿಕಿತ್ಸೆಗೆ ಖರ್ಚಿದೆ. ಇವನ ಚಿಕಿತ್ಸೆಗೆ ಅಂದಾಜು ವೆಚ್ಚ 13 ಲಕ್ಷ ಆಗುವುದೆಂದು ವೈದ್ಯರು ತಿಳಿಸಿರುತ್ತಾರೆ..