ಎಂಟು ವರ್ಷಗಳ ಸಲಿಂಗ ಪ್ರೀತಿಗೆ ವಿವಾಹದ ಅಂಕಿತ : ಹೈದರಾಬಾದ್ನಲ್ಲೊಂದು ವಿಶೇಷ ಕಲ್ಯಾಣ – Vishwanews24
ಎಂಟು ವರ್ಷಗಳ ಸಲಿಂಗ ಪ್ರೀತಿಗೆ ವಿವಾಹದ ಅಂಕಿತ : ಹೈದರಾಬಾದ್ನಲ್ಲೊಂದು ವಿಶೇಷ ಕಲ್ಯಾಣ – Vishwanews24
ಹೈದರಾಬಾದ್ : ಹೈದರಾಬಾದ್ನ ಹೊರ ವಲಯದಲ್ಲಿರುವ ರೆಸಾರ್ಟ್ ಒಂದರಲ್ಲಿ, ಸ್ನೇಹಿತರ ಹಾಗೂ ಕುಟುಂಬದವರ ಸಮ್ಮುಖದಲ್ಲಿ ಜೋಡಿಗಳು ‘ಪತಿ-ಪತಿ’ಗಳಾಗಿದ್ದು, ಉಂಗುರ ಬದಲಾಯಿಸಿ ತಮ್ಮ ಸಂಬಂಧವನ್ನು ಅಧೀಕೃತಗೊಳಿಸಿದ್ದಾರೆ.
31 ವರ್ಷದ ಸುಪ್ರಿಯೋ ಚಕ್ರವರ್ತಿ ಹಾಗೂ 34 ವರ್ಷದ ಅಭಯ್ ದಂಗ್ ಅವರು ಉಂಗುರ ಬದಲಿಸಿಕೊಂಡು ಇದೀಗ ವಿವಾಹವಾಗಿದ್ದಾರೆ. ಕೋಲ್ಕತಾ ಮೂಲದ ಸುಪ್ರಿಯೋ ಚಕ್ರವರ್ತಿ, ಪ್ರತಿಷ್ಠಿತ ಹೋಟೆಲ್ ಮ್ಯಾನೇಜ್ಮೆಂಟ್ ಸಂಸ್ಥೆಯೊಂದರಲ್ಲಿ ಹಿರಿಯ ಪ್ರಾಧ್ಯಾಪಕರಾಗಿದ್ದಾರೆ. ದೆಹಲಿಯವರಾಗಿರುವ ಅಭಯ್ ದಂಗ್ ಬಹುರಾಷ್ಟ್ರೀಯ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದಾರೆ. ಹೀಗಾಗಿ ಮದುವೆ ಪಂಜಾಬಿ ಹಾಗೂ ಬೆಂಗಾಲಿ ಸಂಸ್ಕೃತಿಗಳ ಸಮ್ಮಿಳಿತವಾಗಿತ್ತು.
ಎಂಟು ವರ್ಷಗಳಿಂದ ಪರಸ್ಪರ ಪ್ರೀತಿಸುತ್ತಿದ್ದ ಈ ಜೋಡಿಗಳ ವಿವಾಹವನ್ನು ಟ್ರಾನ್ಸ್ಸ್ಟ್ರೈಟ್ ( ತನ್ನ ವಿರುದ್ಧ ಲಿಂಗದವರ ಬಟ್ಟೆ ಧರಿಸುವ ವ್ಯಕ್ತಿ ) ಒಬ್ಬರು ನಡೆಸಿ ಕೊಟ್ಟಿದ್ದಾರೆ.
ಹೈದರಾಬಾದ್ ನಗರದಲ್ಲಿರುವ ರೆಸಾರ್ಟ್ ಒಂದರಲ್ಲಿ ಈ ಜೋಡಿಗಳ ಅದ್ಧೂರಿ ವಿವಾಹ ಮಹೋತ್ಸವ ನಡೆದಿದ್ದು, ಕುಟುಂಬಸ್ಥರು, ಸ್ನೇಹಿತರು, ಸಹೋದ್ಯೋಗಿಗಳು ಈ ಅಪರೂಪದ ಮದುವೆಗೆ ಸಾಕ್ಷಿಯಾದರು. ವಿಶೇಷ ಜೋಡಿಗಳಿಗೆ ಶುಭ ಹಾರೈಸಿದ್ದಾರೆ.
ಭಾರತದಲ್ಲಿ ಸಲಿಂಗ ಕಾಮಕ್ಕೆ ಮಾತ್ರ ಅನುಮತಿ ಇದ್ದು, ಸಲಿಂಗ ಮದುವೆಯನ್ನು ಮಾನ್ಯ ಮಾಡುವ ಯಾವುದೇ ಕಾನೂನು ಭಾರತದಲ್ಲಿ ಜಾರಿಯಲ್ಲಿಲ್ಲ. ಹೀಗಾಗಿ ಈ ಜೋಡಿಗಳ ಮದುವೆ ಕಾನೂನು ಬದ್ಧವೇ ಎನ್ನುವ ತರ್ಕ ಎದ್ದಿದೆ.
ಭಾರತೀಯ ಕಾನೂನುಗಳ ಪ್ರಕಾರ ‘ಜೈವಿಕ ಪುರುಷ’ ಮತ್ತು ‘ಜೈವಿಕ ಮಹಿಳೆ’ ನಡುವಿನ ವಿವಾಹ ಸಂಬಂಧಕ್ಕೆ ಮಾತ್ರ ಅನುಮತಿ ಇದ್ದು, ಉಳಿದ ನಂಟುಗಳೆಲ್ಲ ಅಕ್ರಮ ಎಂದು ಈ ಹಿಂದೆ ಕೇಂದ್ರ ಸರ್ಕಾರ ದಿಲ್ಲಿ ಹೈಕೋರ್ಟ್ಗೆ ಹೇಳಿತ್ತು.
ಮತಾಂತರ ನಿಷೇಧ ವಿಧೇಯಕ ಮಂಡನೆಗೆ ಸಂಪುಟ ಸಭೆಯಲ್ಲಿ ಅನುಮೋದನೆ , ನಾಳೆ ಸದನದಲ್ಲಿ ವಿಧೇಯಕ ಮಂಡನೆ – Vishwanews24