ಚಿಕನ್ ಪೆಪ್ಪರ್ ಫ್ರೈ ಸರಳ ರೆಸಿಪಿ ಒಮ್ಮೆ ಟ್ರೈ ಮಾಡಿ -Vishwanews24

ಪೆಪ್ಪರ್ ಚಿಕನ್‌ ಮಾಡಬಯಸುವುದಾದರೆ ಈ ಸರಳ ರೆಸಿಪಿ ಟ್ರೈ ಮಾಡಬಹುದು. ಈ ರೆಸಿಪಿ ಡ್ರೈ ಚಿಕನ್ ಐಟಂಗಳ ಸಾಲಿಗೆ ಸೇರುತ್ತದೆ. ಇದನ್ನು ಸ್ಟಾಟರ್ಸ್ ಆಗಿಯೂ ಬಳಸಬಹುದಾಗಿದ್ದು ಮಾಡುವ ವಿಧಾನ ನೋಡಿ ಇಲ್ಲಿದೆ:

ಬೇಕಾಗುವ ಪದಾರ್ಥಗಳು

ಚಿಕನ್ 1 ಕೆಜಿ

1 ಚಮಚ ಬೆಳ್ಳುಳ್ಳಿ ಪೇಸ್ಟ್

1 ಚಮಚ ಶುಂಠಿ ಪೇಸ್ಟ್

ಅರ್ಧ ಚಮಚ ಗರಂ ಮಸಾಲ

ಟೊಮಾಟೊ 2

ಚಿಕ್ಕ ಈರುಳ್ಳಿ 2

ಅರ್ಧ ಇಂಚಿನಷ್ಟು ದೊಡ್ಡದಿರುವ ಶುಂಠಿ (ಜಜ್ಜಿದ್ದು)

2-3 ಎಸಳು ಬೆಳ್ಳುಳ್ಳಿ ಅರಿಶಿಣ ಪುಡಿ

ಕೊತ್ತಂಬರಿ ಸೊಪ್ಪು ಸಣ್ಣಗೆ ಹೆಚ್ಚಿದ್ದು

ಪೆಪ್ಪರ್ ಪುಡಿ 3-4 ಚಮಚ

ಹಸಿಮೆಣಸಿನಕಾಯಿ 1-2

ಕರಿಬೇವಿನ ಎಲೆ ಎಣ್ಣೆ

ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ: ಮಾಂಸವನ್ನು ತೊಳೆದು ಅದಕ್ಕೆ ಶುಂಠಿ ಮತ್ತು ಬೆಳ್ಳುಳ್ಳಿ ಪೇಸ್ಟ್, ಅರ್ಧ ಗರಂ ಮಸಾಲ, ಪೆಪ್ಪರ್ ಪುಡಿ, ಅರಿಶಿಣ ಪುಡಿ ಉಪ್ಪು ಹಾಕಿ ಮಿಶ್ರ ಮಾಡಿ 1 ಗಂಟೆ ಕಾಲ ಇಡಬೇಕು.

ನಂತರ ಬಾಣಲೆಗೆ ಅರ್ಧದಷ್ಟು ಎಣ್ಣೆ ಹಾಕಿ ಕಾಯಿಸಬೇಕು, ಕಾದ ಎಣ್ಣೆಗೆ ಮಸಾಲೆ ಜೊತೆ ಮಿಶ್ರಣ ಮಾಡಿಟ್ಟ ಚಿಕನ್ ಹಾಕಿ ಸ್ವಲ್ಪ ಕಂದು ಬಣ್ಣ ಬರುವಾಗ ತೆಗೆಯಬೇಕು.

3. ನಂತರ ಪಾತ್ರಗೆ ಸ್ವಲ್ಪ ಎಣ್ಣೆ ಹಾಕಿ ಅದಕ್ಕೆ ಜಜ್ಜಿದ ಶುಂಠಿ, ಬೆಳ್ಳುಳ್ಳಿ, ಹಸಿ ಮೆಣಸಿನಕಾಯಿ, ಈರುಳ್ಳಿ, ಹಾಕಿ ಈರುಳ್ಳಿ ಕಂದು ಬಣ್ಣ ಬರುವವರೆಗೆ ಬಾಡಿಸಿ ನಂತರ ಟೊಮೆಟೊ ಹಾಕಿ ಟೊಮೆಟೊ ಮೆತ್ತಗಾದ ಮೇಲೆ ಹುರಿದ ಮಾಂಸವನ್ನು ಹಾಕಿ ಅರ್ಧ ಲೋಟ ನೀರು ಹಾಕಿ ಸ್ವಲ್ಪ ಹೊತ್ತು ಬೇಯಿಸಿದರೆ ಡ್ರೈ ಪೆಪ್ಪರ್ ಚಿಕನ್ ರೆಡಿ. ಇದನ್ನು ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಡ್ರೈ ಚಿಕನ್ ಪೆಪ್ಪರ್ ರೆಡಿ.