ಪ್ರಧಾನಿಯನ್ನು ಅಪ್ಪಿಕೊಂಡು ಎಲ್ಲರ ಹುಬ್ಬೇರಿಸಿದ ರಾಹುಲ್ ; “ನಾನು ನಿಮ್ಮನ್ನು ಪ್ರೀತಿಸುತ್ತೇನೆ ಮತ್ತು ಗೌರವಿಸುತ್ತೇನೆ , ಏಕೆಂದರೆ ನಾನು ಕಾಂಗ್ರೆಸ್”

ಹೊಸದಿಲ್ಲಿ, : ಮುಂಗಾರು ಅಧಿವೇಶನದಲ್ಲಿ ಬಿಜೆಪಿ ನೇತೃತ್ವದ ಕೇಂದ್ರ ಸರಕಾರದ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದ ರಾಹುಲ್ ಗಾಂಧಿ, ತನ್ನ ಭಾಷಣದ ನಂತರ ಪ್ರಧಾನಿ ನರೇಂದ್ರ ಮೋದಿಯನ್ನು ಅಪ್ಪಿಕೊಂಡು ಎಲ್ಲರ ಹುಬ್ಬೇರಿಸಿದರು.

“ನನಗೆ ನಿಮ್ಮ ಬಗ್ಗೆ ಯಾವುದೇ ದ್ವೇಷವಿಲ್ಲ. ನೀವು ನನ್ನನ್ನು ದ್ವೇಷಿಸಿ, ನಿಮಗೆ ನಾನು ಒಂದು ವೇಳೆ ‘ಪಪ್ಪು’ ಆಗಿರಬಹುದು. ಆದರೆ ನಾನು ನಿಮ್ಮನ್ನು ಪ್ರೀತಿಸುತ್ತೇನೆ ಮತ್ತು ಗೌರವಿಸುತ್ತೇನೆ. ಏಕೆಂದರೆ ನಾನು ಕಾಂಗ್ರೆಸ್” ಎಂದು ರಾಹುಲ್ ಗಾಂಧಿ ಹೇಳಿದರು.

ತನ್ನ ಭಾಷಣ ಮುಕ್ತಾಯವಾದ ನಮತರ ಪ್ರಧಾನಿ ಬಳಿಗೆ ತೆರಳಿದ ಅವರು, ಮೋದಿಯವರನ್ನು ಅಪ್ಪಿಕೊಂಡರು. ಪ್ರಧಾನಿ ಮೋದಿ ಒಂದು ಕ್ಷಣ ವಿಚಲಿತರಾದಂತೆ ಕಂಡು ಬಂದರೂ ನಂತರ ರಾಹುಲ್ ರನ್ನು ಕರೆದು ಕೈಕುಲುಕಿದರು.