ಬ್ಲೂವೆಲ್ ಗೇಮ್ ಮುಗೀತು, ಮತ್ತೆ ಶುರುವಾಯಿತು ಕೀಕೀ ಡ್ಯಾನ್ಸ್ ಹೊಸ ಗೇಮ್ ಚಾಲೇಂಜ್. ಆಡುವ ಮುನ್ನವಿರಲಿ ಜೀವದ ಭಯ…!

ಬ್ಲೂ ವೇಲ್ ಚಾಲೆಂಜ್ ನಂತರ ವಿಶ್ವಾದ್ಯಂತ ಕೀಕೀ ಡ್ಯಾನ್ಸ್ ರೂಪದಲ್ಲಿ ಮತ್ತೆ ಮಾರಣಾಂತಿಕ ಚಾಲೆಂಜ್ ಒಂದು ಟ್ರೆಂಡ್ ಆಗಿದೆ. ದಿನದಿಂದ ದಿನಕ್ಕೆ ಈ ಕೀಕೀ ಡ್ಯಾನ್ಸ್ ಚಾಲೆಂಜ್ ವೈರಲ್ ಆಗತೊಡಗಿದೆ. ಕೀಕೀ ಚಾಲೆಂಜ್ ಅಥವಾ ಇನ್ ಮೈ ಫೀಲಿಂಗ್ಸ್ ಚಾಲೆಂಜ್ ಅಮೆರಿಕ ರ್ಯಾಪರ್ ಡ್ರೇಕ್ಸ್ ನ ಇತ್ತೀಚಿನ ಹಾಡಿನಿಂದ ಪ್ರೇರಿತಗೊಂಡಿದ್ದು, ಚಲಿಸುತ್ತಿರುವ ಕಾರಿನ ಜೊತೆಗೆ ರಸ್ತೆಯಲ್ಲಿ ನೃತ್ಯ ಮಾಡುವುದು ಈ ಚಾಲೆಂಜ್ ನ ಟಾಸ್ಕ್ ಆಗಿದೆ.  ಕೀಕೀ ಡು ಯು ಲವ್ ಮೀ… ಸಾಂಗ್ ಚಾಲೆಂಜ್ ಅತ್ಯಂತ ಅಪಾಯಕಾರಿಯಾಗಿದೆ. ಹಲವೆಡೆ ಇದನ್ನ ನಿಷೇಧಿಸಲಾಗಿದೆ.

ಚಲಿಸುತ್ತಿರುವ ಕಾರಿನ ಜೊತೆಗೆ ರಸ್ತೆಯಲ್ಲಿ ನೃತ್ಯ ಮಾಡುವುದಷ್ಟೇ ಈ ಚಾಲೆಂಜ್ ನ ಟಾಸ್ಕ್ ಆಗಿದ್ದರೆ ಬಹುಶಃ ಹೆಚ್ಚಿನ ಅಪಾಯ ಇರುತ್ತಿರಲಿಲ್ಲವೇನೋ. ಆದರೆ ಟಾಸ್ಕ್ ನ ಮತ್ತೊಂದು ಭಾಗವಾಗಿರುವ ನೃತ್ಯ ಮಾಡುತ್ತಾ ಚಲಿಸುತ್ತಿರುವ ಕಾರಿನೊಳಗೆ ವಾಪಸ್ ಜಿಗಿದು ಕುಳಿತುಕೊಳ್ಳಿವ ಭಾಗ ಅತ್ಯಂತ ಅಪಾಯಕಾರಿಯಾಗಿದ್ದು ಜನರಲ್ಲಿ ಜಾಗೃತಿ ಮೂಡಿಸುವ ಪ್ರಯತ್ನ ಎಲ್ಲೆಡೆ ನಡೆಯುತ್ತಿದೆ.  ನಿಧಾನಗತಿಯಲ್ಲಿರುವ ಕಾರಿನಿಂದ ಕೆಳಗೆ ಜಿಗಿದು ಇನ್ ಮೈ ಫೀಲಿಂಗ್ಸ್ ಹಾಡಿನ ಕೆಲವು ಸಾಲುಗಳಿಗೆ ನೃತ್ಯ ಮಾಡಬೇಕು, ನಂತರ ವಾಪಸ್ ಕಾರಿನೊಳಗೆ ಜಿಗಿದು ಕುಳಿತುಕೊಳ್ಳಬೇಕು, ಇದೇ ಕೀಕೀ ಚಾಲೆಂಜ್ ನ ಟಾಸ್ಕ್.

ಅಪಾಯಕಾರಿಯಂತಿರುವ ಕಿಕಿ ಜಾಲೆಂಜ್​ನ್ನು ಈಗಾಗಲೇ ಹಲವೆಡೆ ಬ್ಯಾನ್ ಮಾಡಲಾಗಿದೆ. ಇದರ ವಿರುದ್ಧ ಮುಂಬೈನ್​ ಪೊಲೀಸರು ಕಟ್ಟು ನಿಟ್ಟಿನ ಕ್ರಮ ಕೂಡಾ ಕೈಗೊಳ್ಳುತ್ತಿದ್ದಾರೆ. ಅದಾಗ್ಯೂ ಕೂಡ ಸೋಷಿಯಲ್ ಮೀಡಿಯಾದಲ್ಲಿ ಕಿಕಿ ಚಾಲೆಂಜ್​ ಟ್ರೆಂಡ್​ ಸೃಷ್ಟಿಸುತ್ತಿದೆ. ಸೆಲಿಬ್ರಿಟಿಗಳು ಈ ಸವಾಲು ಸ್ವೀಕರಿಸುತ್ತಿದ್ದಾರೆ