ಡಿಸೆಂಬರ್ 25 ರಿಂದ ಪೊಲಿಪು ವಿದ್ಯಾ ಸಂಸ್ಥೆಗಳ ಶತ.ವಜ್ರ,ಸ್ವರ್ಣ ಸಂಭ್ರಮ. ನವೆಂಬರ್ 30 ರಂದು ಉಭಯ ಜಿಲ್ಲಾ ಮಟ್ಟದ ಮುಕ್ತ ಕಬಡ್ಡಿ ಪಂದ್ಯಾಕೂಟ
ಡಿಸೆಂಬರ್ 25 ರಿಂದ ಪೊಲಿಪು ವಿದ್ಯಾ ಸಂಸ್ಥೆಗಳ ಶತ.ವಜ್ರ,ಸ್ವರ್ಣ ಸಂಭ್ರಮ.
ಕಾಪು: ಶಿಕ್ಷಣ ಕ್ರಾಂತಿಗೆ ಮಹತ್ತರದ ಕೊಡುಗೆ ನೀಡಿರುವ ಕಾಪು ಪೊಲಿಪು ಸರಕಾರಿ ಪ್ರಾಥಮಿಕ, ಪ್ರೌಡಶಾಲೆ, ಹಾಗೂ ಸರಕಾರಿ ಪದವಿ ಪೂರ್ವ ಕಾಲೇಜುಗಳು ಈ ವರ್ಷ ಕ್ರಮವಾಗಿ ನೂರು,ಆರುಚತ್ತು ಮತ್ತು ಐವತ್ತು ವರ್ಷಗಳನ್ನು ಯಶಸ್ವಿಯಾಗಿ ಪೂರೈಸಿದ್ದು ಆ ಪ್ರಯುಕ್ತ ಡಿಸೆಂಬರ್ 25 ರಿಂದ 27 ರ ವರೆಗೆ ಕ್ರಮವಾಗಿ ಶತ ವಜ್ರ ಸ್ವರ್ಣ ಮಹೋತ್ಸವ ಕಾರ್ಯಕ್ರಮಗಲು ಜರಗಲಿವೆ.
ಈ ಯಶಸ್ವಿಯನ್ನು ನೆನಪನ್ನಾಗಿಸುವ ನಿಟ್ಟಿನಲ್ಲಿ ವಿವಿಧ ಕಾರ್ಯಕ್ರಮಗಳ ಮೂಲಕ ಶತ ವಜ್ರ ಸ್ವರ್ಣ ಮಹೋತ್ಸವ ಆಚರಿಸಲು ನಿರ್ಧರಿಸಲಾಗಿದೆ ಎಂದು ಸಮಿತಿ ಗೌರವಾದ್ಯಕ್ಷ ಕಾಪು ಶಾಸಕ ಲಾಲಾಜಿ ಆರ್ ಮೆಂಡನ್ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.
ಈ ಸಂಭ್ರಮ ಕೇವಲ ಆಚರಣೆಗೆ ಸೀಮಿತಗೊಳಿಸದೆ ಈ ಶಿಕ್ಷಣ ಸಂಸ್ಥೆಗಲ ಉಳಿವಿಗಾಗಿ ಹತ್ತಾರು ಶಾಶ್ವತ ಯೋಜನೆಗಳನ್ನು ಹಮ್ಮಿಕೊಳ್ಳಲಾಗಿದೆ.
ಈ ಮೂರುದಿನಗಳ ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ, ಶಿಕ್ಷಣ ಸಚಿವರು, ವಿಧಾನ ಸಭೆ ಸ್ಪೀಕರ್, ಸೇರಿದಂತೆ ಹತ್ತಾರು ಗಣ್ಯರು ಭಾಗವಹಿಸಲಿದ್ದಾರೆಂದು ತಿಳಿಸಿದರು.
ಪತ್ರಿಕಾಗೋಷ್ಠಿಯಲ್ಲಿ ಸಮಿತಿಯ ಕಾರ್ಯಧ್ಯಕ್ಷ ಸರ್ವೊತ್ತಮ ಕುಂದರ್,ಗೌರವ ಪ್ರಧಾನ ಕಾರ್ಯದರ್ಶಿ ಕಿರಣ್ ಆಳ್ವಾ.ಉಪಾಧ್ಯಕ್ಷ ಪ್ರವೀಣ್ ಡಿ ಕುಂದರ್,ರತ್ನಾಕರ್ ಶೆಟ್ಟಿ,ಮೊದಲಾದವರು ಉಪಸ್ಥಿತರಿದ್ದರು.
