ಇಂದಿಗೆ ಕಾಪು ಪುರಸಭೆ ಸದಸ್ಯರ ಅಧಿಕಾರ ಮುಕ್ತಾಯ…!!-vishwanews24

ಇಂದಿಗೆ ಕಾಪು ಪುರಸಭೆ ಸದಸ್ಯರ ಅಧಿಕಾರ ಮುಕ್ತಾಯ…!!

ಕಾಪು: ಕಾಪು ಪುರಸಭೆ ಘೋಷಣೆಯ ನಂತರ ಮೊದಲ ಚುನಾವಣೆಯಲ್ಲಿ ಬಿಜೆಪಿ ಹನ್ನೊಂದು ಮತ್ತು ಕಾಂಗ್ರೆಸ್ ಹನ್ನೆರಡು ಸೀಟ್ ಗೆಲ್ಲುವ ಮುಖಾಂತರ ಮೊದಲ ಬಾರಿಗೆ ಕಾಂಗ್ರೆಸ್ ಪುರಸಭೆಯ ಗದ್ದುಗೆ ಏರಿ 30 ತಿಂಗಳು ಆಡಳಿತ ನಡೆಸಿತ್ತು.
ತದನಂತರ ಸರ್ಕಾರ ಬದಲಾವಣೆ ಸಮಯದಲ್ಲಿ ಶಾಸಕ ಸಂಸದೆಯ ಮತ ಬಲದಲ್ಲಿ ಬಿಜೆಪಿ ಗದ್ದುಗೆ ಏರುವ ತಯಾರಿಯಲ್ಲಿರುವಾಗಲೇ ಅಧ್ಯಕ್ಷ ಮೀಸಲಾತಿ ಕೋರ್ಟ್ ಮೆಟ್ಟಿಲು ಏರಿದ್ದರ ಪರಿಣಾಮ ಕೇವಲ ಬಿಜೆಪಿ ಎಂಟು ತಿಂಗಳುಗಳ ಕಾಲ ಆಡಳಿತ ನಡೆಸಿತ್ತು.
ಆದರೇ ಜೂನ್ 3 ನೇ ತಾರೀಖುವಿಗೆ ಇಡೀ ಕೌನ್ಸಿಲ್ ಅಧಿಕಾರ ಕೊನೆಗೊಂಡು ಮುಂದಿನ ಚುನಾವಣೆ ಘೋಷಣೆಯಾಗಿ ನೂತನ ಕೌನ್ಸಿಲ್ ಬರುವವರೆಗೆ ಆಡಳಿತಾಧಿಕಾರಿ ಅಧಿಕಾರಿ ಚಲಾಯಿಸಲಿದ್ದಾರೆ.
ಐದು ವರ್ಷದಲ್ಲಿ ಹುಸಿಯಾದ ಭರವಸೆ
“ಪುರಸಭೆಯಾದ ನಂತರ ಕಾಪು ಪೇಟೆಯ ಕೊಳಚೆ ನೀರಿನ ಘಟಲ, ಕಾಪು ಕಲ್ಕುಡ ದೇವಸ್ಥಾನದ ಹತ್ತಿರದ ಕಸ ವಿಲೇವಾರಿ, ಕುಡಿಯುವ ನೀರು ಬಗ್ಗೆ ಸರಿಯಾದ ವ್ಯವಸ್ಥೆ,ಬೀದಿ ದೀಪದ ಸಮಸ್ಯೆ ಸೇರಿದಂತೆ ಹತ್ತಾರು ಮೂಲಭೂತ ವ್ಯವಸ್ಥೆ ಕಲ್ಪಿಸದೆ ಭರವಸೆ ಹುಸಿಯಾಗಿದೆ.”

ಡಬ್ಬಲ್ ಟ್ಯಾಕ್ಸ್ – ಜನತೆಗೆ ಲಾಭ ಇಲ್ಲ
ಗ್ರಾಮ ಪಂಚಾಯತ್ನಿಂದ ಮೇಲ್ದರ್ಜೆಗೆ ಏರಿಸಿ ಪುರಸಭೆ ಮಾಡಿದ ಪರಿಣಾಮದಿಂದಾಗಿ ಮನೆ ತೆರಿಗೆ,ಕಮರ್ಷಿಯಲ್ ತೆರಿಗೆ ಸೇರಿದಂತೆ ಎಲ್ಲಾ ತೆರಿಗೆಗಳು ಪಂಚಾಯತಿಗಿಂತ ಪುರಸಭೆಗೆ ದುಪ್ಪಟ್ಟು ಏರಿಕೆಯಾದರೂ ಕೂಡ ಇದರಿಂದ ಜನತೆಗೆ ಯಾವುದೇ ಲಾಭ ಆಗಿಲ್ಲ ಅನ್ನುತ್ತಾರೆ ಜನ.

ಸೀಟ್ ಬಿಸಿ‌ ಮಾಡಿ ಹಾಗೆ ಬಂದು ಹೀಗೆ ಕೆಲವು ಸದಸ್ಯರು..!!

ಪುರಸಭೆಯ ಸುಮಾರು 38 ಸಾಮಾನ್ಯ ಸಭೆಯಲ್ಲಿ ಒಂದೇ ಒಂದು ಅಜೆಂಡಾದ ಪ್ರಶ್ನೋತ್ತರಗಳಲ್ಲಿ ತುಟಿ ಬಿಚ್ಚದೆ ಹಾಗೇ ಬಂದು ಹೀಗೆ ಹೋದ ಸದಸ್ಯರು ಕೂಡ ಇದ್ದಾರೆ ಎಂಬುದು ವಿಪರ್ಯಾಸದ ಸಂಗತಿ.

ಏನೇ ಆಗಲಿ‌ ಹಲವಾರು ವಿರೋಧದ ನಡುವೆಯೂ ಪಂಚಾಯತ್ ಮಟ್ಟದಿಂದ ಪುರಸಭೆ ಮೇಲ್ದರ್ಜೆಗೊಂಡ ಕೌನ್ಸಿಲ್ ಗೆ ಐದು ವರ್ಷ ಪೂರ್ಣಗೊಂಡು ಇಂದಿಗೆ ಅಧಿಕಾರಿ ಕೌನ್ಸಿಲ್ ನ‌ ಅಧಿಕಾರ‌ಕೊನೆಗೊಳ್ಳಲಿದೆ, ಮುಂದಿನ‌ ಚುನಾವಣೆ ನಡೆದು ಅಧಿಕಾರ ಬರುವವರೆಗೆ ಆಡಳಿತಾಧಿಕಾರಿ ಸುಪ್ರೀಮ್ ಆಗಿರುತ್ತೆ.

ವರದಿ: ಪೊಲಿಟಿಕಲ್ ಬ್ಯುರೋ ವಿಶ್ವನ್ಯೂಸ್24